Og Guð talaði...

Ég hef snúið aftur! Frá einveru er ég beið og beið eftir svari. "Guð, hvers ætlastu til af mér?" spurði ég vel og lengi uns svarið barst:

"Páll, ég skal segja þér þína köllun: Þú skalt leiða til sigurs í næstu kosningum Kristilegan flokk. Flokk sem að mun vörð standa um hin Kristilegu gildi og hið sanna hægri. Sjálfstæðið hefur brugðist en nú dugir ekki að syrgja þá sem glataðir eru, heldur sverfa til stáls. Mikið er verk það sem ég hef ætlað þér Páll en ekki hræðast - ég mun senda marga þína bræður þér til hjálpar. Gakk nú fram Páll og ber þú eldsverð og básúnu svo sjáist þú úr fjarlægð og óvinir þínir heyri. Gakk fram og hop ei!"

Aðeins Drottinn vor Jesú Kristur, Faðir vor og heilagur andi hefði getað fundið jafn einfalda sem og skilvirka lausn. Kristilegi flokkurinn hefur hér með verið stofnaður og meðal stefnumála verður:

1. Algert bann við fósturdeyðingum.

2. Algert bann við skilnuðum

3. Kristinfræði skal tekin upp á ný og kennd oftar og betur en áður hefur verið og aðeins af prestum og Guðfræðingum.

Ég mun birta ítarlegri hugmyndir á næstu dögum. Áhugasamir lýsi yfir stuðningi hér á síðunni.

Ykkar bróðir í Drottni

-Páll


Sorg

Nú liggur ljóst að Guðlaus armur vorra Sjálfstæðra hefur ákveðið að reyna samstarf við Sovíet vinstrið. Mér fallast hendur og skelf allur af ótta við reiði Drottins. Næstu daga mun ég biðja stöðugt uns ég hlýt uppljómum og innblásinn skilnig á þessari stöðu. Ég mun tala við Drottinn og rita aftur er hann gefur mér svar.

Ég óttast fyrir hönd vorra Sjálfstæðu bræðra er hafa snúið baki sínu við Drottni:

4 Ekki þyrmdi Guð englunum, er þeir syndguðu. Hann steypti þeim niður í undirdjúpin og setti þá í myrkrahella, þar sem þeir eru geymdir til dómsins. 5 Ekki þyrmdi hann hinum forna heimi, en varðveitti Nóa, prédikara réttlætisins, við áttunda mann, er hann lét vatnsflóð koma yfir heim hinna óguðlegu. 6 Hann brenndi borgirnar Sódómu og Gómorru til ösku og dæmdi þær til eyðingar og setti þær til viðvörunar þeim, er síðar lifðu óguðlega. 7 En hann frelsaði Lot, hinn réttláta mann, er mæddist af svívirðilegum lifnaði hinna guðlausu. 8 Sá réttláti maður bjó á meðal þeirra og mæddist í sinni réttlátu sálu dag frá degi af þeim ólöglegu verkum, er hann sá og heyrði.

Guð geymi okkur öll.


Þetta gengur ekki!

Ég skelfist hvað mun verða ef eitur þeirra Guðlausu vinstri mun glepja vor Sjálfstæðum sýn. Ég skelf allur og nötra við þá tilhugsun. Látið ekki freistast! Áfram með B! Aðeins þeir eru verðugir samstarfs við vora Kristnu Sjálfstæða.

AMEN!


mbl.is Vaxandi vantrú á framhald stjórnarsamstarfs
Tilkynna um óviðeigandi tengingu við frétt

Ekki er vanþörf á

Til að skila írak og Afganistan heilum inní vort Kristilega bræðralag. Fram stíg Krossfarar og Bræður í Kristi, gráir fyrir járnum með eld í hjarta blessað Drottni.

Það er barátta í uppsiglingu, stærri en nokkru sinni fyrr. Stríð milli réttlætis og ranglætis. Rétttrúaðir og villingar munu etja kappa og Jörðin mun brenna af hatri uns kærleikurinn sigrar og hlið Himna opanast svo niður stígi Drottinn vor Jesú dómari allra.

Sálir munu vegnar!

11Þá sá ég himininn opinn, og sjá: Hvítur hestur. Sá, sem á honum sat, heitir Trúr og Sannur, hann dæmir og berst með réttvísi. 12Augu hans eru sem eldslogi og á höfði hans eru mörg ennisdjásn. Og hann ber nafn ritað, sem enginn þekkir nema hann sjálfur. 13Hann er skrýddur skikkju, blóði drifinni, og nafn hans er: Orðið Guðs. 14Og hersveitirnar, sem á himni eru, fylgdu honum á hvítum hestum, klæddar hvítu og hreinu líni. 15Og af munni hans gengur út biturt sverð að slá þjóðirnar með, og hann stjórnar þeim með járnsprota. Og hann treður vínþröng heiftarreiði Guðs hins alvalda. 16Og á skikkju sinni og lend sinni hefur hann ritað nafn: "Konungur konunga og Drottinn drottna."


mbl.is Bush útnefnir stríðsstjóra
Tilkynna um óviðeigandi tengingu við frétt

Sótt að Guðs eigin landi

Þetta ótrúlega hatur bræðra Múhammeðs magnast upp. Siðspilltir skjóta þeir á bræður vora í Ísrael og hika jafnvel ekki við að ala syni sína hatri og senda sprengjum búna til sjálfsvígs.

Ótrúleg þykir mér einnig samúð margra vorra Vestrænu bræðra með djöfullegum málstað arabanna og nefni hér sem dæmi félagsskap vinstri Guðlausra hér á landi Ísland-Palestína, sem hvað eftir annað kemur fram með lygum og rógburði.

Sannlega eru handbendi Kölska mörg og máttug. Þau munu þó öll skelfast og uppbrenna þegar Drottinn vor Jesú snýr aftur á Efsta Degi.

Amen


mbl.is Flugskeytum skotið á Ísrael, hernaðaraðgerðir heimilaðar
Tilkynna um óviðeigandi tengingu við frétt

Ég græt.

Ó systir í Kristi, hjarta mitt er fullt harmi:

Eins og sauður til slátrunar leiddur,
og sem lamb þegir hjá þeim, er klippir það,
svo lauk hann ekki upp munni sínum.
33 Í niðurlægingunni var hann sviptur rétti.
Hver getur sagt frá ætt hans?
Því að líf hans var hrifið burt af jörðinni.

Bræður mínir í Kristi - biðjið með mér í kvöld


mbl.is Brasilíumaður dæmdur sekur um morð á nunnu
Tilkynna um óviðeigandi tengingu við frétt

Kemur ekki á óvart...

....að áhangendur siðlausrar keppni þar sem hver annar kynvillingurinn veður uppi skulu hafa áhuga á veðmálum.

Sannkristnir bræður hafa alla andstyggð á veðmálum hvers kyns. Það er skömm að þessu og mæli ég með að keppni þessari verði framvegis ekki sjónvarpað hér á landi.


mbl.is Veðjaði aleigunni á sigur dóttur sinnar í Evróvisjón
Tilkynna um óviðeigandi tengingu við frétt

Mikill er tryllingurinn utan hins Vestræna heims.

Þetta vekur upp óhug minn. Hvernig getur slík illska blómstrað? Mig grunar helst að þessi drengur hafi verið meðlimur í einhverjum svartmessusöfnuði ellega sturlaður af eitulyfjum: Helsælu eða ópíum.

Munið:

Hann hefur blindað augu þeirra
og forhert hjarta þeirra,
að þeir sjái ekki með augunum
né skilji með hjartanu og snúi sér
og ég lækni þá.

Ég mun biðja fyrir morðingjanum í kvöld.


mbl.is Kom inn á lögreglustöð með höfuð móður sinnar
Tilkynna um óviðeigandi tengingu við frétt

Haltu þig fjarri.

Vér Sjálfstæðir munum mæta þér og þínum óþjóðalýð með hörðu ef með þarf. Drottinn gaf oss Jörðina til yfirráða og skepnur himins, sjávar og lofts eru okkar að nýta.

Komir þú munt þú mæta mér af afli - mér og öllum Sjálfstæðum bræðrum í Kristni.


mbl.is Skip Sea Shepherd leggur af stað áleiðis til Íslands í dag
Tilkynna um óviðeigandi tengingu við frétt

Sem betur fer...

Liggur umboðið ekki á lausu heldur í höndum stjórnarflokka vorra. Sá sorgardagur sem margir væntu er vinstri flokkar myndu sveipa landið hulu hárra skatta og Guðleysis rann ekki upp ogeftir stendur leiðtoginn Geir með pálmann í höndunum og stjórnarumboðið í vasanum.

Ég hlæ að hinum vinstri sem héldu þeir gætu unnið án atbeina Drottins.


mbl.is Steingrímur: Stjórnarmyndunarumboð liggur ekki á lausu
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband