Nú skal kné fylgja kviði!

Upp er runnin sú stund þar sem Guðleysi það er hreiðrað hefur um sig til fjölda ára í hjarta Kaupmannahafnar mun ekki liðið lengur. Forfæringasjúkir, latir og óhreinir Guðleysingjar hafa vaðið uppi en nú skal segja: STOPP!

Það er til marks um yfirvegun vorra bræðra í Kristi að jafnvel undir áræti svo sem hlandsteypingu höldum við ró okkar, fullvissir þess að réllætið sigri og að Jesús Drottinn brosi við vorri réttsýni og fyrirgefningu.

Vonandi tekur þetta fljótt af, svo siðsamt líferni geti hafist á ný hjá frændum vorum, Dönum.

Lögregla beitti táragasi gegn mótmælendum í Kristjaníu

Athugasemdir

[Gizur Gizurarson (IP-tala skráð) 14.5.2007 kl. 23:47]

Heyr heyr! Það var kominn tími til að svæla þá út úr lastabælinu. En talandi um lesti, sástu að Anna vélstjóri var að senda inn athugasemd á Íraksbloggið þitt?

[Páll Kristbjörnsson, 14.5.2007 kl. 23:52]

Lastabælið mun víkja fyrir Kristilegum uppgangi. Ég mun athuga Önnu og ef hún reynist sú siðlausa skopskæling náttúru er þig grunar, mun ég gera viðeigandi ráðstafanir.

[Per Krogshøj, 14.5.2007 kl. 23:57]

Eldur mun aðeins leyða af sér meiri eld, minn kæri vinur. Ef Guð sér þetta sem þyrni í síðu góðs kristins samfélags mun hann sannlega blessa það með hárnákvæmum ljósgeysla, sem mun eyða þeirri syndabólu, líkt og sterkur leysigeysli.

En munið orðinn, minn kæri vinur, Einhverstaðar verða Vondir að Vera. Hví ei að hafa þá lokaða í syndabæli líkt og Kristanía er, þar sem hægt er að vita af syndinni og forðast hana, í stað þess að leyfa henni að skríða inn um bæjardyrnar og saurga konuna! 

[Páll Kristbjörnsson, 15.5.2007 kl. 00:00]

Lestir skulu hvergi liðnir nema í bæli þess Svarta er ríkir í undirheimum. Satans eru lestirnir en vor Kristnir skulum gera hvað sem í okkar valdi stendur til að geta staðir frammi fyrir Drottni á Efsta degi og sagt: Ég gerði mitt.

[Gizur Gizurarson (IP-tala skráð) 15.5.2007 kl. 00:13]

Lestirnir leynst víða! Við eigum mikið starf fyrir höndum, vér sannkristnir. Bara þessi spjallsíða er full af kynvillingum af öllum sortum. En hin sanna gleði er fólgin í þvi að snúa villuráfandi sauðum á rétta braut og þótt það sé ekki nema einn einasti sem sér ljósið þá er það fyrirhafnarinnar virði. Ég var sjálfur einu sinni fórnarlamb kynvillinga en Gunnar minn elskulegur reddaði því og líf mitt er gjörbreytt til hins betra.

[Páll Kristbjörnsson, 15.5.2007 kl. 00:19]

Satt Gizur! Þessi síða dregur að sér sósíla-kommúníska-Guðleysingja sem og kynvillinga. Ef við tökum höndum saman getum við haft áhrif. Internetið er undraverð Guðsgjöf og það mun sannarlega hjálpa vorum Kristna málstað að geta svo auðveldlega uppfrætt þá sem lifa í villu.

Ég er glaður þú frelsaðist frá villu og dásamar nú lífið með vorum Drottni!