Hneisa

Auðvitað á hvert atkvæði að gilda jafnt. Allt annað er svívirðing.

Misvægi atkvæða í alþingiskosningunum

Nú skal kné fylgja kviði!

Upp er runnin sú stund þar sem Guðleysi það er hreiðrað hefur um sig til fjölda ára í hjarta Kaupmannahafnar mun ekki liðið lengur. Forfæringasjúkir, latir og óhreinir Guðleysingjar hafa vaðið uppi en nú skal segja: STOPP!

Það er til marks um yfirvegun vorra bræðra í Kristi að jafnvel undir áræti svo sem hlandsteypingu höldum við ró okkar, fullvissir þess að réllætið sigri og að Jesús Drottinn brosi við vorri réttsýni og fyrirgefningu.

Vonandi tekur þetta fljótt af, svo siðsamt líferni geti hafist á ný hjá frændum vorum, Dönum.

Lögregla beitti táragasi gegn mótmælendum í Kristjaníu

Húrra!

Áfram með smjörið og innsiglið þetta með handbandi. Þjóðin hefur talað og hún sagði D og B.
Stórsigur þetta fyrir lýðræðið, framfarir og vor Kristnu gildi.

Geir: Sérstök ákvörðun ef stjórnarsamstarfið heldur ekki áfram

Hatur

Ég vildi að ég gæti sagt að svona háttalag kæmi mér á óvart, en svo er ekki. Í þeim heimshlutum þar sem Kristnin er ekki höfuðgildið, þar eiga sér slíkir hlutir stað.

Mér þykir undarlegt að nú, rúmum 2000 árum eftir fæðingu Frelsarans séu enn svo stór hópur er fylgir falsspámanninum Múhammeð og hafa hatur sem sína helstu trúarlegu sannfæringu. Hatur gerir engum gott en Miðausturlönd virðast þvi miður eiga þá tilfinningu eina gangvart Vestrænum gildum, sóma og sannri trú.

Ég bið fyrir fjölskyldu hins hugrakka hermanns.

Írakar dönsuðu eftir að danskur hermaður lét lífið

Það á ekki að semja við hryðjuverkamenn.

Slík varmenni eiga ekki gull skilið, heldur hörku. Þannig læra þeir.

Ég bið fyrir barninu í kvöld.

Rowling lofar 190 milljónum til að bjarga Madeleine

Góðar fréttir!

Við skulum ekki gleyma hverjir hafa stuðlað að einu mesta framfaraskeiði í sögu Íslands. Þeir eiga svo sannarlega allt gott skilið og eftir stórsigur okkar Sjálfstæðra kemur ekki annað til greina en að við verðum hið leiðandi afl áfram.

B eru góðir bandamenn sem standa með okkur vörð um hin Vestrænu Kristnu gildi.

Það virðist því sem hinir Guðlausu vinstri munu sleikja sárin fjögur ár til viðbótar og vonandi þar til Dómsdagur rennur upp enda hafa þeirra gildi ekkert upp á voran pall að gera.

Geir stefnir í að verða einn farsælasti leiðtogi sem þjóðin hefur þekkt. Hann mun standa vörðinn lengi enn, ávallt brosmildur og bróðir í Kristi.

Næstu fjögur ár verða blómatími. Sannið til!

Líklegast að stjórnin sitji áfram

Lygadrós dreifir óhróðri og öfund!

Hún reynir hér með að æra okkur stuðningsmenn áframhaldandi stjórnarsamstarfs með uppspuna og með því að saka vora Sjálfstæða um valdagræðgi.

Nei! Við hugsum um Kristileg gildi og frelsi en það er eitthvað sem þessi málpípa öfundar og valdagræðgi mun seint skilja,

Gleymið ekki R-listanum!

Ingibjörg Sólrún: Ríkisstjórnin of veik

Og ég kref þig afsökunar!

Fyrir að vera Guðlaus kommúnisti sem leggur sig allan fram, hvern dag og hverja nótt til að draga samfélagið allt niður í þann sorapitt sem þú vilt kalla velferð!

En ekki örvænta: Ég mun fyrigefa þér.

Steingrímur krefur Jón um afsökunarbeiðni

Veri hann velkominn!

Hann mælir af viti. Óhefluð græðgi og Guðlaus vinstristefna eru rót vandans jafnt í Suður Ameríku sem og annarsstaðar. Óábyrgt kynlíf, getnaðarvarnir og fóstureyðingar vinna gegn skikkan skaparans og hafa leikið stóran leik gegn vilja vorra Guðhræddu.

Mæli þú allra heilastur, Benedikt páfi!

Páfi kennir marxisma og kapítalisma um vandamál Suður-Ameríku

Dæmisaga

Það var eitt sinn sem ég kenndi kristinfræði í ónefndum grunnskóla að lítill drengur átti við mig spjall. Nú voru flest börnin afar móttækileg fyrir fagnaðarerindinu enda hin smáu svo blessunarlega laus við alla kaldhæðni.

Þó var einn í hópnum, ungur frengur, sem trúði ekki að Guð hefði skapað himin og jörð og þegar ég spurði hann hvað hann héldi að hefði hafið þessa dásamlegu veröld, þá sagði hann: Stóri Hvellur. En þá sagði ég: Hvernig var þá upphafið að þessum hvell? Drengurinn svaraði að bragði: Tilviljun.

Ég brosti til hans, tók upp tvær eldspýtur og sagði: Nú ætla ég að kasta þessum, eldspýtum og vona að þær lendi nákvæmlega eins hlið við hlið. Ég kastaði eldspýtunum upp og auðvitað lentu þær tvist á bast en ekki hlið við hlið.
Ég kastaði þeim aftur og aftur en þær létu sér ekki segjast.

Vísindin eru ágæt til sín brúks en þau munu aldrei geta útskýrt vilja Drottins eða hans ótrúlegu völundarsmíð sem
Jörðin okkar er. Veröldin er einfaldlega of fullkomin.