Það hafðist

Það verður spennandi að sjá hvað næstu dagar munu bera í skauti sér. D geta verið ánægðir yfir sigri á hinum Guðlausu vinstri flokkum en ekki má gleyma að stjórn hinna gömlu traustu stendur nú veikari fyrir en áður.
Mörg gildi þarf að standa vörð um næstu ár og alls ekki ber að gleyma hvaðan umboð valds kemur og hverjum ber að þakka!

Ég veit að Geir og hans félagar eru bræður í Kristi og vil ég nota þetta tækifæri til að votta Birni Bjarna samúð mína vegna siðlausrar og miskunnarlausrar árásar er hann mátti þola frá hendi eins helsta fulltrúa græðgi og gullkálfsdýrkunar þessa lands. Kapítallinn þjónar ekki Kristi enda dugar veraldlegur auður skammt þegar staðið er frammi fyrir Herranum og hann dæmir

Til hamingju allir bræður í Kristi!

Geir: Úrslitin kalla ekki á snöggar breytingar

Athugasemdir

[Per Krogshøj, 13.5.2007 kl. 14:02]

Sem bróðir þinn í Kristi verð ég því miður að vera ósammála þér varðandi Sjálfstæðisflokkin, eða í hið minnsta Björn og Árna. Þekkja þeir ei til Krists betur en svo að þeir leggjast niður til þjófnaðs og spillingar sem Kristur barðist við á hverju horni, samkvæmt ritningunum. Samanber er hann kastaði verslunarmönnum úr Musteri Krists.

"Þér hafið gjört hús föður míns að þjófabæli"

Gleymum ei gjörðum Krists, bróður í Guði. 

[Per Krogshøj, 13.5.2007 kl. 14:04]

Úps, átti nú að vera Musteri Drottins, ekki Krists, þar sem hann átti ekki nein Musteri fyrr en nokkrum öldum síðar.  

[Páll Kristbjörnsson, 13.5.2007 kl. 14:08]

Nei, en svo veit ég vel að menn eru breiskir. Björn er þó maður Guðs enda sé ég hann oft við messu. Ég veit ekki um Árna en Drottinn hefur þó veitt honum gott brautargengi og hver erum við að dæma ef lausnarinn hefut talað?